Afrika Waa Qaarad ka kooban 54 Wadan oo madax banaan, sidoo kale baaxad ahaan waa 70 boqolkiiba qaarada Asia oo kale, sidoo kale waxaa ay sedex mar ku jibaarantaa Qaarada Yurub.
Qaarada Afrika waxaa xiligan la sheegaa iney ku nool yihiin 1.2 Bilyan qof, taas oo ka dhigan iney aduunka ka yihiin 16 boqolkiiba, laakiin Afrika oo midowda waxaa ay dad ahaan ka yaraan lahaayeen Dalka India oo ah 1.31 Bilyan iyo China oo ah 1.37 Bilyan.
Laakiin, arinta xiisaha leh ayaa ah in dadka ku nool qaarada Afrika ay si weyn ukobcayeen, tusaale sanadkii 1990-kii Afrika oo dhan waxaa ku noolaa dad dhan 640 Milyan, halka haatan oo lagu jiro 2017-da ay dhan yihiin 1.2 Bilyan.
Sida la saadaalinayo Dadka Afrika ku nool ayaa sameyn doona kobac dhanka dadka ah, sanadka 2022-ka, waxaana ay gaari karaan 1.4 Bilyan, laakiin waxaa kasii badnaan doona India oo sanadka 2022-ka loo saadaalinayo dad dhan 1.39 Bilyan iyo China oo loo saadaalinayo 2022-ka 1.37 Bilyan.
Afrika oo hal wadan noqotaa, waxaa ay cabsi weyn ku abuuri laheyd aduunka oo dhan dhanka militeriga iyo dhaqaalaha, maxaa yeelay reer Galbeedka ayaa aamisan in dadka qaaradaas kasoo jeeda ay yihiin sooma jeestayaal hadii ay dagaalamaan guusha jecel.
Laakiin dhibaatada ugu badan ee Afrika oo midowda ayaa ah mideynta dhaqanka maadaama Muslim iyo gaalo badan ku nool yihiin, sidoo kale mideynta dhanka luuqada ayaa caqabad noqon laheyd.
Hadaba, Sidee ayay Noqon laheyd Afrika oo wadan ahaata? Sidee ayay Caalamka uqabsan laheyd? Tirada Luuqadaha looga hadli lahaa? Halka noqon laheyd Caasimadda Afrika United State? Halka noqon laheyd magaaladda ganacsiga? Dhamaan Su’aalahaas iyo xog Buuxda ka Daawo Warbixinta Hoose?
Hoos ka daawo Muuqaalka
Abdullahi Ahmed Nur
Email: Cabkayare@gmail.com
