Ankara (Caasimadda Online) – Madaxweynaha dalka Turkiga Rajeb Tayyip Erdogan ayaa mar kale ka hadlay xiisada ka taagan dalalka Khaliijka gaar ahaan Sacuudiga, Qatar, Bahreyn, Masar iyo Imaaraadka.
Madaxweynaha oo ka qeyb galay xaflad afur ah oo xubnaha xisbigiisa AK ka qeyb galeen ayaa sheegay in sacuudiga uu ka codsanayo inay si deg deg ah xayiraada uga qaado dowladda Qatar isla markaasna ay fiiriso walaaltinimada iyo Islaamka.
Madaxweyne Rajab ayaa tilmaamay in go’doomin lagu sameeyo Qatar aysan xal u noqon karin khilaafka dowladaha Carabta isla markaasna loo baahan yahay is wax kasta lagu dhameeyo wadahadal iyo xasilooni.
Wuxuu ka codsaday inay Sacuudiga ka shaqeyso midnimada Muslimiinta sidoo kalana ay ku sifowdo inay tahay dowlad ugu tunka weyn Khaliijka isla markaasna laf dhabar u ah Muslimiinta.
“ Waxaan idin kugu yeernaa u adeegayaasha Xaramka, waxaa la idinka rabaa inaad walaalnimo ku shaqeysaan ee aadan ka shaqeyn cadownimo, Dhabarka uma jeedin doono walalaalaheen Qatar waa inaad xayiraada ka qaad, waa inaad ka shaqeysaan inaan walaalaha isu keentaan, sidaan ayaan ka fileynaa Sacudiga, u adeegayaasha labada Xaram” ayuu yiri Rejab.
Hadalka Erdogan ayaa kusoo aadayo xilli ay meel xun sii mareyso xaaladda khilaafka ah ee u dhaxeyso dowladaha dalalka Khaliijka.
