Doxa (Caasimada Online) – Dowladda Qatar ayaa ogaatay awoodo u qaroosanaa tan iyo markii dowladaha Khaliijka ay saareen go’doomin dhinac kasta ah.
Dowladda Qatar ayaa ogaatay in wax soo saarka dalkeeda uu ku filan yahay baahida shacabkeeda kadib markii ay ku dhawaaqday ololo ahaa in la isticmaalo lana iibsado wax soo saarka dalkeeda.
Haddaba halkaan hoose ka akhriso liiska waxyaabihii ka dhashay go’doominta la saaray dalkaas islaamka oo ay ka dambeyso dowladda Mareykanka:
- Baaqa Hey’adaha Xuquuqul Insaanka: Tan iyo markii la saaray go’doominta waxaa soo batay cambaareynta ka imaaneyso hey’adaha xuquul insaanka, waxayna shegeeen inay arrintaan dhibaato ku tahay shacabka dowladaha Khaliijka.
- Kumanaan Qoysas oo khaliijka kasoo jeedoo oo kala go’ay: Waxaa jiro niman kasoo jeedo Qatar oo qabo Haweyn kasoo jeedo Imaaraadka kuwaas oo hadda kala go’ay, sidoo kale waxaa jiro Haweyn Qatar kasoo jeedo oo u dhaxo niman Sacuudiyaan midaasna oo iyadana keentay in kala go’aan, waxaana dowladaha Khaliijka ka dhaxeysay cilaaqaad fiican oo xagga diinta Islaamka ah, waxayna arrintaan noqotay dhibaatada ugu weyn ee laga dhaxlay go’doominta la saaray Qatar, waxaana xusid mudan in dad 10 sano ku noolaa Imaaraadka oo weliba xaasas iyo caruur ku leh loo diiday inay qoyskooda la noolaadaan.
- Qatar oo Wax soo saarkeeda ku filnaaday: Dowladda Qatar ayaa tan iyo markii la saaray go’doominta ku dhawaaqday ololo ay ugu magac dartay (Isticmaal wax soo saarka dalkaaga) kaasoo 100% ku filnaaday baahida shacabka Qatar, waxayna hadda ogaatay in wax soo saarkeeda uu dabooli karo baahiyadeda.
- Sacuudiga oo soo saaray Liis: Dowladda Sacuudiga ayaa saartay liiska 59 isugu jiro shaqsiyaad iyo ururo laga leeyahay dalka Qatar oo ay ku tilmaamtay inay garab siiyaan argagixisada, waxayna arrintaan timaaday markii uu khilaafka dilaacay, taasoo loo arkay inay qeyb ka tahay cuna qabateynta Qatar la saaray.
- Dhaqaalaha Qatar: Ganacsiga ay dowladda Qatar la leedahay adduunka ayaa lagu sheegay inuu awood ahaan gaarayo ilaa 89 Billion, waxayna arrintaan ka saaciday inay alaabo dhoofo isla markaasna ay soo dajisato, waxayna go’doominta la saaray noqotay mid daciif ah marka loo fiiriyo dhaqaalaha dibadda ay ku leedahay.
- Taageerada Turkiga: Go’doominta la saaray Qatar ayaa keentay inay dowladda Turkiga gacanna ku taageerto Qatar midna ay ku sameyso dadaalo ay ku dooneyso in xal laga gaaro khilaafka Khaliijka, waxaana xusid mudan in Turkiga ay 12 saacadood gudahood Qatar geysay alaab iyo raashin aad u badan oo ka dhigtay Qatar inaysan dareemin go’doomintaas.
- Shaki galay midowga Khaliijka: Go’aanka ay qaateen dowladaha Sacuudiga,Imaaraadka iyo Bahreyn oo kamid ah dowladaha Khaliijka ayaa shaki weyn geliyey jiritaanka ururkaas, maadaama sharci aysan aheyn in dowladaha Khaliijka ay isku soo rogaan cunaqabateyn heerkaas gaarsiisan sida uu qabo heshiiskaa ururkaas, waxaana hadda Su’aal la iska waydiinayaan sida uu usii jiri karo.
