Muqdisho (Caasimada Online)-Waxaa maanta oo Sabti ah lagu wadaa in magaalada Muqdisho uu ka furmo kalfadhiga Seddexaad ee labada Gole baarlamaanka Somalia.
Baarlamaanka ayaa fasax galay 16-kii December sanadkii tagay ee 2017, tan iyo xiligaas waxa ay xildhibaanada ku maqnaayeen Deegaan doorashadooda.
Xarunta ay ku shiraan xubnaha Golaha shacabka ayaa lagu wadaa in ay isugu tagaan xubnaha Aqalka sare iyo kuwa Golaha shacabka.
Kalfadhiga baarlamaanka ayaa waxaa sida sharciga ah furaya Madaxweynaha Jamhuuriyada federaalka Soomaaliya Maxamed Cabdullahi Farmaajo oo Khudbad u jeedin doona Xildhibaanada.
Amniga xarunta Golaha Shacabka ayaa saakay aad loo adkeeyay, waxaana halkaa tuban ciidamo farabadan oo aad u hubeysan, iyadoo lagu wado in uu furmo kal fadhiga Xildhibaanada Baarlamaanka Soomaaliya.
Dhinaca kale,baarlamaanka Soomaaliya ayaa waxaa horyaalla qodobo badan, sidda dhameystirka Sharciyadda muhiimka ah ee dalku u baahan yahay.
Caasimada Online
Xafiiska Muqdisho
Caasimada@live.com
