Nairobi (Caasimada Online) – Dhul gariir khasaaro ba’an geystay ayaa waxa uu ku dhuftay Magaalooyinka Lesbos iyo Izmir ee ku kala yaalla dalalka Griiga iyo Turkiga.
Cabirka dhul gariirka ayaa waxaa lagu sheegay 6.3. kaa oo dhacay xili dadka ku kala nool magaalooyinkaasi ay ku guda jireen nasiinka.
Dhul gariirka ayaa burburiyay daaro farabadan oo aad u dheer, waxaana la sheegay in khasaaraha dhimasho uu kor u dhaafayo 80, halka dhaawacana uu gaarsiisan yahay 120, sida ay baahiyeen warbaahinada caalamka.
Dhul gariirka kadib Dadka ayaa dibedda uga soo wada yaacay guryaha iyo xafiisyada magaalooyinkaasi, waxaana goobaha burburay ku jira goobo ganacsi oo aad u mashquul badnaa xiliga uu dhacaayay dhul gariirka.
Dadka uu saameeyay dhul gariirka ayaa gabi ahaan la dhigay xarumaha caafimaad ee ku kala yaala magaalooyinka uu ka dhacay dhul gariirka ee ka bad qaba burburka dhacay.
Dowladaha Griiga iyo Turkiga ayaa dhul gariirka kadib ku dhaqaaqay baaritaano waxa ayna magaalooyinkaasi galeen jawi barakac ah, maadaama dadka intiisa badan ay ku guryo waayen dhul gariirka.
