Halyeeyga kooxda Arsenal Thierry Henry ayaa qarka u saaran inuu markiisii sedaxaad kasoo hor muuqdo taageerayaasha Gunners.
Weeraryahanka Faransiiska ah ayey kooxdu sheegtay inay isha ku heyso qaab ciyaareedkiisa ka dib markii uu tababar kula qaatay London Colney xilli uu xiran yahay Horyaalka Mareynka MLS.
Henry, oo 35 jir ah, ayaan meesha ka saarin inuu markiisii labaad si amaah ah ugu soo laabto kooxda si uu u caawiyo wiilasha da’yarka ah ee Arsene Wenger.
Wuxuu qorsheynayaa inuu wadahadal la qaato macalinka marka uu ka warbixinaayo tababarkii ay kooxdu sameyneyso bisha December.
Arsenal ayaa weyn doonta Gervinho kaasoo bisha Janaayo ka qeyb gelaaya Africa Cup of Nations halkaas oo uu ku maqnaan doono ilaa lix isbuuc halka uu shaki ku jiro in Theo Walcott uu kooxda lasii joogayo.
Ninka ugu goolasha badan Arsenal ayaa Emirates Stadium kusoo laabtay Todobo ciyaar bilowgii sanadka, isagoo kordhiyey goolashiisa Arsenal wuxuuna Rikoorka gaarsiiyey 228 gool.
Weeraryahanka ayaa isbuucii lasoo dhaafay kusoo laabtay London ka dib markii kooxdiisa New York Red Bulls laga soo cirib tiray play-off-ka MLS Cup.
Wuxuuna daawanaayey kulankii ay Arsenal 5-2 ugu awood sheegatay kooxda Tottenham ciyaar ka dhacday garoonka Emirates Stadium.
W/Q: Ahmed Jaangoan
E-mail: jangoan@hotmail.com
Caasimada – Mogadishu.
